ថ្ងៃ អាទិត្យ ទី ២៥ ខែ តុលា ឆ្នាំ ២០២០

បុរស​ម្នាក់​ចេញមុខ​អះអាងថា ​មាន​ទាហាន​វៀតណាម​បង្កប់ខ្លួន​ក្នុង​ជួរ​ទាហាន​ខ្មែរ ខណៈ​ជនជាតិ​វៀតណាម ​ត្រូវបាន​សន្តិសុខ​បណ្តេញ​ចេញពី​ទីលាន​ប្រជាធិបតេយ្យ​

​បុរស​ម្នាក់​បានចេញ​មុខ​អះអាង​កាលពី​រាត្រី​ម្សិលមិញ ខណៈដែល​គាត់​មានបំណង​មក​ចូលរួម​មហា​បាតុកម្ម​របស់​គណបក្ស​សង្គ្រោះ​ជាតិ​នៅ​ទីលាន​ប្រជាធិបតេយ្យ​ថា មាន​ទាហាន​វៀតណាម​បង្កប់ខ្លួន​នៅក្នុង​ជួរ​ទាហាន​ខ្មែរ​។​

​បុរស​ដែល​ចេញមុខ​អះអាង​ដូចខាងលើ​នេះ​បាន​រៀបរាប់ថា ខ្លួន​គាត់​បានរួម​ដំណើរ​ជាមួយ​ទាហាន​វៀតណាម​ដែល​បង្កប់ខ្លួន​ក្នុង​ជួរ​ទាហាន​ខ្មែរ​តាម​រថយន្ត​កងយោធពល​ខេមរភូមិន្ទ​ពី​ខេត្តព្រះវិហារ​ឆ្ពោះ​មក​រាជធានី​ភ្នំពេញ​។​

​ដោយឡែក នៅវេលា​ព្រឹក​មិញ​នេះ​កងកម្លាំង​សន្តិសុខ​របស់​គណបក្ស​សង្គ្រោះ​ជាតិ​ដែល​ប្រចាំការ​នៅ​ទីលាន​ប្រជាធិបតេយ្យ​ក៏បាន​បណ្តាញ​បុរស​ម្នាក់​ដែល​គេ​អះអាងថា​ជា​ជនជាតិ​វៀតណាម​ចេញពី​ទីលាន​ប្រជាធិបតេយ្យ​នៅពេលដែល​បុរស​នេះ​បានបង្ហាញ​វត្ត​មាននៅ​កន្លែង​ប្រារព្ធ​មហា​បាតុកម្ម​របស់​គណបក្ស​សង្គ្រោះ​ជាតិ​។​

​ជុំវិញ​ព័ត៌មាន​នៃ​ការអះអាង​របស់​បុរស​ដែលថា មាន​ទាហាន​វៀតណាម​បង្កប់​នៅក្នុង​ជួរ​ទាហាន​ខ្មែរ​នោះ​មិនទាន់មាន​ប្រភព​ណាមួយ​បញ្ជាក់​ឲ្យ​បានច្បាស់លាស់​ថា​ពិត​ឬ​មិន​ពិត​និង​មូល​ហេតុអ្វី​នៅឡើយ​ទេ ខណៈដែល​វីដេអូ​ឃ្លី​ប​«Video Clip» ទាក់ទង​នឹង​បុរស​ដែល​ចេញមុខ​អះអាង​រូបនេះ​ត្រូវបាន​គេ​បង្ហោះ​ពេញ​បណ្តាញ​សង្គម Facebook ៕​

 

 

 

 

 

 

Filed in: Feature, ព័ត៌មានជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 012 858 205, 015 745 215 E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.