ថ្ងៃ សុក្រ ទី ៣០ ខែ តុលា ឆ្នាំ ២០២០

គណបក្ស​សង្គ្រោះ​ជាតិ​ប្រកាស​មិន​ទទួលស្គាល់​អំពើ​របស់​ជន​ឱកាសនិយម​ដែល​បង្ក​ឲ្យ​មាន​ហិង្សា​ក្នុងសង្គម​

​នៅវេលា​យប់​នា​ថ្ងៃទី​១៥ កញ្ញា នេះ គណបក្ស​សង្គ្រោះ​ជាតិ​បានចេញ​សេចក្តី​ថ្លៃ​ង​ការណ៍​មួយ​ប្រកាស​មិន​ទទួលស្គាល់​ចំពោះ​អំពើ​ទាំងឡាយណា​ដែល​បង្ក​ឲ្យ​មាន​ហិង្សា​នៅក្នុង​សង្គម​ដោយហេតុថា​នៅក្នុង​ឱកាស​មហា​បាតុកម្មអហិង្សា​នៅថ្ងៃនេះ មាន​ជន​ឱកាសនិយម​មួយ​ក្តាប់​តូច​បាន​ដើរ​បង្កចលាចល ដូចជា​លើក​រនាំង​បន្លា​លួស​បោះ​ចូលក្នុង​ទឹកទន្លេ និង​មាន​ជន​ខ្លះ​ដើរ​ស្រែក​ឡូឡា​បង្ក​សកម្មភាព​ញុះញង់​នៅតាម​ទីសាធារណៈ​ផ្សេងៗ​។​

សេចក្តី​ថ្លែ​ងការណ៍​របស់​គណបក្ស​ស​ង្គ្រោះ​ជាតិ​បានបញ្ជាក់​ទៀតថា គណបក្ស​ធ្វើ​មហា​បាតុកម្មអហិង្សា​ក្នុង​គោលបំណង​ទាមទារ​ឲ្យ​បង្កើត​គណៈកម្មការ​ចម្រុះ​ឯករាជ្យ​មួយ ដើម្បី​ស្វែងរក​ការពិត និង​យុត្តិធម៌​ជូន​ប្រជាពលរដ្ឋ​ជា​ម្ចាស់ឆ្នោត ហើយ​មហា​បាតុកម្មអហិង្សា​នេះ ធ្វើ​នៅ​ទីលាន​ប្រជាធិបតេយ្យ​។ ដូច្នេះ ចំពោះ​អំពើ​របស់​ជន​ឱកាសនិយម​ទាំងឡាយណា​ដែល​ដើរ​បង្កបញ្ហា និង​ចលាចល​ផ្សេងៗ​នៅក្រៅ​ទីលាន​ប្រជាធិបតេយ្យ គណបក្ស​សង្គ្រោះ​ជាតិ​ប្រកាស់​មិន​ទទួលខុសត្រូវ​ឡើយ ហើយ​សូម​អំពាវនាវ​ឲ្យ​អាជ្ញា​ធរមាន​សមត្ថកិច្ច​ចាត់វិធានការ​តាមផ្លូវ​ច្បាប់​ឲ្យ​បាន​ម៉ឺងម៉ាត់​ចំពោះ​ជន​ឱកាសនិយម​ទាំងនោះ​។​

​សេចក្តីថ្លែងការណ៍​រប​ស់​គណបក្ស​សង្គ្រោះ​ជាតិ​នេះ បាន​កើតមានឡើង​បន្ទាប់ពី​លេចចេញ​នូវ​សកម្មភាព​របស់​ជន​ឱកាសនិយម​មួយចំនួន​ដែល​បាន​ប្រើប្រាស់​រូបភាព​ខ្លួន​ជា​បាតុករ​ធ្វើ​សកម្ម​ភាពខុស​អំពី​បទ​បញ្ជា​ផ្ទៃក្នុង និង​ក្រមសីលធម៌​នៃ​ការធ្វើ​បាតុកម្ម​របស់​គ​ណ​បក្ស​សង្គ្រោះ​ជាតិ ដែល​បាន​ដឹកនាំ​ធ្វើ​មហា​បាតុកម្ម​នៅថ្ងៃនេះ​៕

1176133_614426698600942_428172202_n[1]

 

 

 

Filed in: Feature, ព័ត៌មានជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 011 72 84 71 / 015 86 87 53.E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.