ថ្ងៃ សុក្រ ទី ៣០ ខែ តុលា ឆ្នាំ ២០២០

មហា​បាតុកម្ម​គណបក្សប្រឆាំង​ព្រឹក​នេះ​មិនមែន​ហែ​ក្បួន​ទេ​គឺ​ដើរ​តាមផ្លូវ​

​មុននឹង​មកជួប​ជុំគ្នា​នៅ​ទីលាន​ប្រជាធិបតេយ្យ ក្រុមបាតុករ​ដែល​អម​ដំណើរ​ដោយ​ថ្នាក់ដឹកនាំ​គណបក្ស​សង្គ្រោះ​ជាតិ​បាននាំគ្នា​ធ្វើដំណើរ​ចេញពី​ទីស្នាក់ការ​កណ្តាល​របស់​គណបក្ស​ទាំងពីរ​កន្លែង នៅ​សង្កាត់​ចាក់អង្រែលើ ខណ្ឌមានជ័យ ដឹកនាំ​ដោយ​ឯកឧត្តម សម រង្ស៊ី ប្រធាន​គណបក្ស នៅ​ទីស្នាក់ការ​ខណ្ឌទួលគោក ដឹកនាំ​ដោយ​ឯកឧត្តម កឹម សុខា អនុប្រធាន​គណបក្ស នៅតាម​ផ្លូវ​សំខាន់ៗ​មួយចំនួន​ក្នុង​រាជធានី​ភ្នំពេញ ខណៈដែល​វិថី​ខ្លះ​ត្រូវបាន​អាជ្ញាធរ​ពង្រាយ​លួស​បន្លា​បិទ​មិន​ឲ្យ​ធ្វើ​ចរាចរណ៍​តាំងពីព្រឹក​ព្រលឹម​ថ្ងៃអាទិត្យ​ទី​១៥ កញ្ញា​នេះ​។​

​ទាក់ទង​នឹង​ការធ្វើ​មហា​បាតុកម្ម​របស់​គណបក្ស​សង្គ្រោះ​ជាតិ​នេះ ត្រូវបាន​អាជ្ញាធរ​អនុញ្ញាត​ឲ្យ​ធ្វើ​តែមួយ​ថ្ងៃ​និង​មិន​ឲ្យ​ហែ​ជា​ក្បួន​ទេ ប៉ុន្តែ​ឥឡូវនេះ​ក្រុម​មហា​បាតុករ​បាននាំគ្នា​ធ្វើដំណើរ​តាមផ្លូវ​សាធារណៈ​ឆ្ពោះទៅ​ជួបជុំគ្នា​នៅ​ទីលាន​ប្រជាធិបតេយ្យ​ដែលជា​កន្លែង​ប្រារព្ធ​មហា​បាតុកម្ម​។​

​ម​ជ្ឃ​ដ្ឋា​ន​អ្នកតាមដាន​កិច្ចការ​សង្គម​នៅ​កម្ពុជា​បានលើកឡើង​របៀប​លេងសើច​ថា ក្រុមបាតុករ​រាប់ពាន់​ឬ​ខ្ទង់​ម៉ឺន​នាក់​បាននាំគ្នា​ធ្វើដំណើរ​តាម​ដងផ្លូវ ប្រហែលជា​មិន​ខុសច្បាប់​ទេ​ដឹង​ពីព្រោះ​មិនមែន​ធ្វើបាតុកម្ម​ដោយ​ហែ​ក្បួន​ឯណា​។​

​គោលបំណង​ចម្បង​របស់​គណបក្ស​ស​ង្គ្រោះ​ជាតិ​ក្នុងការ​ធ្វើ​មហា​បាតុកម្ម​នេះ​គឺ​ដើម្បី​ទាមទារ​ឲ្យ​មានការ​បង្កើត​គណៈកម្មកា​រ​ចម្រុះ​ឯករាជ្យ​មួយ​ស៊ើបអង្កេត​ភាពមិនប្រក្រតី​នៃ​ការបោះឆ្នោត​ជ្រើសតាំង​តំណាងរាស្ត្រ​នីតិកាល​ទី​៥​ថ្ងៃទី​២៨​ខែ កក្កដា ឆ្នាំ​២០១៣​កន្លងមក ដែល​គណបក្ស​ប្រជាជន​កម្ពុជា​មិន​រវីរវល់​ដោះស្រាយ​ទាល់តែសោះ​ដើម្បី​ឆ្លុះបញ្ចាំង​ឲ្យ​ឃើញថា​គណបក្ស​ដែល​ឈ្នះឆ្នោត ឈ្នះ​ដោយ​ថ្លៃថ្នូរ​និង​គណបក្ស​ចាញ់ឆ្នោត ចាញ់​ដោយ​អស់ចិត្ត​៕​

sr72371_n

 

Filed in: Feature, ព័ត៌មានជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 011 72 84 71 / 015 86 87 53.E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.