ថ្ងៃ សុក្រ ទី ៣០ ខែ តុលា ឆ្នាំ ២០២០

បូ​បូ និយាយ​អំពី​អារម្មណ៍​ភ័យខ្លាច​ពេល​ថត​រឿង​ឈុត​ឆាក​លើ​គ្រែ​ជាមួយ ចាន់​ចាវ

​ប្រិយមិត្ត​និយម​ខ្សែភាពយន្ត​បុរាណ​ចិន​ និងរឿងស្តេចល្បែង តែង​បានឃើញ​តារា​សម្តែង​ភាពយន្ត​ចិន-សិង្ហបូរី នាង Zoe Tay​ដែល​ខ្មែរ​យើង​និយម​ហៅ បូ​បូ ថត​រឿង​កាប់​ដាវ វាយតប់ ស្តេចល្បែង និង​ជាពិសេស​ធ្លាប់​បានឃើញ​លោក Kenny Ho ដែល​ខ្មែរ​យើង​និយម​ហៅ​ចាន់​ចាវ មានឈ្មោះ​ល្បី​ក្នុង​រឿង​តុលាការ​មុខ​ដែក ដើរតួ​ជា​សេនាប្រមុខ​ចាន់​ចាវ កាន់​ដាវ​លំពែង​ប្រយុទ្ធ​ការពារ​ម្ចាស់​សំណាក់​ខៃ​ហ្វុ​ង ប៉ាវ​ចិន​។​

​ឥឡូវនេះ តារាភាពយន្ត​ល្បីឈ្មោះ​ទាំងពីរ​នាក់ មិនមែន​រួមដៃគ្នា​ថត​រឿង​កាប់​ដាវ វាយតប់​នោះទេ គឺ​បាន​ថត​រឿងភាពយន្ត​មួយ​ឈ្មោះ​«Love Cuts»​ដែលមាន​លាយឡំ​ដោយ​ឈុត​ឆាក​លើ​គ្រែ​គួរ​ឲ្យ​ក្តៅ​សាច់​។​

​នាង Zoe Tay បានធ្វើការ​បកស្រាយ​បញ្ជាក់​អំពី​អារម្មណ៍​របស់​នាង​តាម​បណ្តាញ​ព័ត៌មាន​ថា នាង​មានការ​ភ័យខ្លាច​ខ្លាំងណាស់​សឹងតែ​ចង់​ដកខ្លួន​ថយ​ចេញពី​ការថត​រឿងភាពយន្ត​នេះ ជាពិសេស​នៅត្រង់​ថត​ឈុត​ឆាក​ឳ​ប​ថើប​គ្នា​នៅលើ​គ្រែ​តាម​ការណែនាំ​របស់​អ្នកដឹកនាំ​រឿង ជាហេតុ​ធ្វើ​ឲ្យ​មាន​ការថត​ខុស​ជាច្រើនលើក​ច្រើនសា​។​ប៉ុន្តែ​នៅ​ទីបំផុត នាង​បាន​តាំងចិត្ត​តាំង​អារម្មណ៍​ថត​រឿងភាពយន្ត​នេះ​រហូត​បានសម្រេច​៕​

50433

Filed in: Feature, ព័ត៌មានជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 011 72 84 71 / 015 86 87 53.E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.