ថ្ងៃ សុក្រ ទី ៣០ ខែ តុលា ឆ្នាំ ២០២០

មេគណបក្ស​ប្រឆាំង​ស្នើ​ឲ្យ​អ្នកគាំទ្រ​ផ្តល់​ជា​យោបល់​ឬ​អនុសាសន៍​ដើម្បី​យកមក​ពិចារណា​មុនពេល​ចូលរួម​កិច្ចប្រជុំ​ជាមួយ​គណបក្សកាន់អំណាច​

​នៅវេលា​យប់​នេះ បន្ទាប់ពី​បញ្ចប់​ការជួប​សំណេះសំណាល និង​សួរសុខទុក្ខ​ដល់​ប្រជាពលរដ្ឋ​ជា​ម្ចាស់ឆ្នោត​នៅតាម​បណ្តា​ខេត្ត​ភាគ​ពាយ័ព្យ​នៃ​ប្រទេស​រួចមក ឯកឧត្តម សម រង្ស៊ី ប្រធាន​គណបក្ស​សង្គ្រោះ​ជាតិ​បាន Post អត្ថបទ​ខ្លី​តែមាន​ខ្លឹមសារ​មួយ​នៅក្នុង Time Line Facebook របស់​ឯកឧត្តម ស្នើសុំ​ឲ្យ​បងប្អូន កូនក្មួយ​អ្នកគាំទ្រ​ទាំងអស់​មេត្តាជួយ​ផ្តល់​ជា​យោបល់​ឬ​អនុសាសន៍​ជូន​ឯកឧត្តម ដើម្បី​បាន​យកមក​ពិចារណា​នៅ​មុនពេល​ឯកឧត្តម និង​ប្រតិភូ​គណបក្ស​សង្គ្រោះ​ជាតិ​ចូលគាល់​ព្រះមហាក្សត្រ​នៅ​ព្រះបរមរាជវាំង ដើម្បី​ដោះស្រាយ​បញ្ហា​ប្រទេសជាតិ ជាមួយ​ថ្នាក់ដឹកនាំ​កំពូល​៣​រូប​នៃ​គណបក្ស​ប្រជាជន​កម្ពុជា ថ្ងៃទី​១៤ កញ្ញា ស្អែក​នេះ​។​

​ឯកឧត្តម សម រង្ស៊ី បានបញ្ជាក់​ឲ្យ​ដឹង​ដែរ​ថា ការផ្តល់​ជា​យោបល់​ឬ​អនុសាសន៍​ជូន​ឯកឧត្តម គឺ​ត្រូវ​ផ្តល់​ឲ្យ​បាន​មុន​ម៉ោង​០៨ និង​៣០​នាទី ព្រឹកស្អែក​នេះ​។​

​មជ្ឈដ្ឋាន​អ្នកវិភាគ​កិច្ចការ​សង្គម​នៅ​កម្ពុជា បាន​លើកឡើងថា ឯកឧត្តម សម រង្ស៊ី​កំពុង​អនុវត្តន៍​នូវ​គោលការណ៍​ប្រជាធិបតេយ្យ​មួយ​ដ៏​ល្អ​ក្នុងការ​ស្ទាបស្ទង់​មតិ​ពី​អ្នកគាំទ្រ​យកមក​ពិចារណា​មុននឹង​ធ្វើការ​សម្រេច​ទុកជា​មូលដ្ឋាន​ដោះស្រាយ​កិច្ចការ​ផ្សេងៗ ដែល​នេះ​ជា​គំរូ​ល្អ​បំផុត​សម្រាប់​ថ្នាក់ដឹកនាំ ដែល​យក​សំឡេង​របស់​ប្រជាពលរដ្ឋ​ម្ចាស់ឆ្នោត​ធ្វើ​ជាធំ​៕​

rainsy-text

Filed in: Feature, ព័ត៌មានជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 011 72 84 71 / 015 86 87 53.E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.