ថ្ងៃ អាទិត្យ ទី ២៥ ខែ តុលា ឆ្នាំ ២០២០

សហជីព​សេរី​កម្មករ​ស្នើ​ប្រធាន​សមាគម​រោងចក្រ​កាត់ដេរ​អន្តរាគមន៍​ឲ្យ​ថៅកែ​រោងចក្រ​ផ្អាក​ចង្វាក់​ផលិតកម្ម​មួយ​សប្តាហ៍ ដើម្បី​ការពារ​ហានិភ័យ​កើតឡើង​ពេល​មាន​មហា​បាតុកម្ម​ថ្ងៃ​ខាងមុខ​

​នៅ​ថ្ងៃទី​១០ ខែកញ្ញា ឆ្នាំ​២០១៣​នេះ លោក​ជា មុនី ប្រធាន​សហជីព​សេរី​កម្មករ​នៃ​ព្រះរាជាណាចក្រ​កម្ពុជា បានធ្វើ​លិខិតផ្លូវការ​មួយច្បាប់​គោរព​ជូន​លោក​ប្រធាន​សមាគម​រោងចក្រ​កាត់ដេរ​នៅ​កម្ពុជា «GMAC» ស្នើសុំ​ឲ្យ​ជួយ​អន្តរាគមន៍​ដល់​ថៅកែ​រោងចក្រ​កាត់ដេរ​និង​ផលិត​ស្បែកជើង​ផ្អាក​ចង្វាក់​ផលិតកម្ម​រយៈពេល​មួយ​សប្តាហ៍ គិត​ចាប់ពី​ថ្ងៃទី​១៥ ដល់​ថ្ងៃទី​២១ ខែកញ្ញា ឆ្នាំ​២០១៣​ខាងមុខ ដើម្បី​ការពារ​ហានិភ័យ​កើតឡើង​ពេល​មាន​មហា​បាតុកម្ម​របស់​គណបក្ស​សង្គ្រោះ​ជាតិ​។​

​លិខិតផ្លូវការ​របស់​សហជីព​សេរី​កម្មករ​នៃ​ព្រះរាជាណាចក្រ​កម្ពុជា បាន​លើកឡើងថា មាន​កម្មករ​ខ្លះ​ត្រូវបាន​ឪពុកម្តាយ បងប្អូន ប្រាប់​ឲ្យ​វិល​ទៅផ្ទះ​សម្បែង​ក្នុងស្ថានភាព​នយោបាយ​មិន​នឹងន និង​កម្មករ​ភាគច្រើន​ទៀត​បានបង្ហាញ​អំពី​ជំហរ​ចូលរួម​ធ្វើ​មហា​បាតុកម្ម​ជាមួយ​គណ​កប្ស​សង្គ្រោះ​ជាតិ​រយៈពេល​៣​ថ្ងៃ ចាប់ពី​ថ្ងៃទី​១៥ ដល់​ថ្ងៃទី​១៧ ខែកញ្ញា ឆ្នាំ​២០១៣​។ ក្នុងស្ថានភាព​បែបនេះ សហជីព​មានការ​ព្រួយបារម្ភ​អំពី​សន្តិសុខ និង​សុវត្ថិភាព​របស់​កម្មក​រ កម្មការិនី រួមទាំង​អ្នក​វិនិយោគិន​ក្នុងប្រទេស​កម្ពុជា​យើង​។

​ដោយ​ការ​ឈ្វេង​យល់ឃើញ​ដូច្នេះហើយ ទើប​សហជីព​សេរី​កម្មករ​នៃ​ព្រះរាជាណាចក្រ​កម្ពុជា​ស្នើសុំ​ឲ្យ​សមាគម GMAC អន្តរាគមន៍​ឲ្យ​ថៅកែ​រោងចក្រ​កាត់ដេរ​សម្លៀកបំពាក់ និង​ផលិត​ស្បែកជើង ធ្វើការ​ផ្អាក​ចង្វាក់​ផលិតកម្ម​របស់ខ្លួនរ​យៈ​ពេល​មួយ​សប្តាហ៍​ដើម្បី​ការពារ​ហានិភ័យ​ផ្សេងៗ​ដែល​អាច​កើតឡើង​ជាយថាហេតុ និង​ក៏​ដើម្បី​ចូលរួម​ការពារ​សិទ្ធិសេរីភាព​របស់​មនុស្ស​គ្រប់រូប​ក្នុងការ​សម្តែង​មតិ​តាម​ឆន្ទៈ​រៀងៗ​ខ្លួន​ផងដែរ​៕ ​

 

Filed in: Feature, ព័ត៌មានជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 012 858 205, 015 745 215 E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.