ថ្ងៃ អង្គារ ទី ២០ ខែ តុលា ឆ្នាំ ២០២០

បំផ្ទុះ​គ្រាប់បែក​ក្បែ​រសាលារៀន​នៅ​ភាគខាងត្បូង​ប្រទេស​ចិន​បង្ក​ឲ្យ​មនុស្ស​ស្លាប់​២​នាក់​និង​រងរបួស​សិស្សសាលា​ចំនួន​១០​នាក់​ក្នុងចំណោម​១៧​នាក់​

​នា​វេលា​ម៉ោង​ប្រមាណ​៧​ព្រឹក ថ្ងៃទី​០៩ ខែកញ្ញា ឆ្នាំ​២០១៣​នេះ មានការ​ណី​បំផ្ទុះ​គ្រាប់បែក​យ៉ាង​កក្រើក​មួយ​ឋិត​នៅក្បែ​សាលាបឋមសិក្សា Balijie នៃ​ទីក្រុង Guilin នៅ​ភាគខាងត្បូង​ប្រទេស​ចិន ក្នុង​តំបន់​ស្វ័យ​ត Guangxi Zhuang ដែលជា​តំបន់​ទេស​រណ៍​ដ៏​ពេញនិយម​និង​ល្បីល្បាញ​នៅ​ប្រទេស​ចិន​។​

​សមត្ថកិច្ច​ប៉ូលិស​បាន​រាយការណ៍​ប្រាប់​បណ្តាញ​ព័ត៌មាន Xinhua របស់​ចិន​ឲ្យ​ដឹងថា មាន​មនុស្ស​២​នាក់ គឺ​បុរស​ម្នាក់ និង​ស្ត្រី​ម្នាក់​ត្រូវបាន​សម្លាប់​ភ្លាមៗ និង​មនុស្ស​ចំនួន​១៧​នាក់​ទៀត​បាន​រងរបួស ក្នុងនោះ​មាន​ចំនួន​១០​នាក់​ជា​សិស្សសាលា​នៅក្នុង​ហេតុការណ៍​បំផ្ទុះ​គ្រាប់បែក​ដ៏​គួរ​ឲ្យ​រន្ធត់​នេះ ហើយ​អ្នករងរបួស​ទាំងអស់​ត្រូវបាន​យកទៅ​សង្គ្រោះ​នៅ​មន្ទីរពេទ្យ​ភ្លាមៗ រីឯ​បង្អួច និង​ទ្វារ​សាលារៀន​មួយផ្នែក​ត្រូវ​ទទួលរង​ការខូចខាត​។​

​សាក្សី​បាន​ប្រាប់​ឲ្យ​ដឹងថា ក្នុងខណៈដែល​សិស្សានុសិស្ស​ដល់​ម៉ោង​ចូល​សិក្សា​ក្នុង​សាលា​របស់​ពួកគេ ដែល​ឋិត​នៅក្នុង​ទីក្រុង​ទេសចរណ៍ Guangxi ដ៏​ល្បីល្បាញ​នោះ ស្រាប់​តែមាន​ជន​មិន​ស្គាល់មុខ​ជិះ​ម៉ូតូ​ឆ្លងកាត់​ច្រកចូល​សាលារៀន​ហើយក៏​មាន​សំឡេង​ផ្ទុះ​យ៉ាង​ក្រ​ក្រើ​ក​លាន់ឮ​ឡើង ខណៈដែល​មាន​មនុស្ស​រងរបួស និង​ស្លាប់​ភ្លាមៗ​នៅ​កន្លែងកើតហេតុ​តែម្តង​។​ ​

នៅវេលា​ព្រឹក​មិញ​នេះ ក្រោយពេល​កើតហេតុ​ភ្លាមៗ​នោះ​សមត្ថកិច្ច​របស់​ចិន​កំពុងតែ​ស្រាវជ្រាវ​ស៊ើបអង្កេត​អំពី​មូលហេតុ និង​ជនបង្ក ដែល​ធ្វើ​ឲ្យ​មានការ​បំផ្ទុះ​គ្រាប់បែក​យ៉ាង​រន្ធត់​នេះ​៕​

58P5029DT201n_5

01n_9

2DT20130909131744

Filed in: Feature, អន្តរជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 012 858 205, 015 745 215 E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.