ថ្ងៃ អង្គារ ទី ២០ ខែ តុលា ឆ្នាំ ២០២០

បណ្តឹងតវ៉ា​ទាក់ទង​នឹង​លទ្ធផល​បោះឆ្នោត​របស់​គ​ណ​បក្សប្រឆាំង​ត្រូវបាន​ក្រុមប្រឹក្សាធម្មនុញ្ញ​ពិនិត្យ​និង​សម្រេច​ចប់សព្វគ្រប់​ហើយ​ត្រឹម​រសៀល​ថ្ងៃនេះ​

​ពាក់ព័ន្ធ​នឹង​បណ្តឹងតវ៉ា​លទ្ធផល​បណ្តោះ​អាសន្ន​នៃ​ការបោះឆ្នោត​ជ្រើសតាំង​តំណាងរាស្ត្រ​នីតិកាល​ទី​៥ របស់​គណបក្ស​សង្គ្រោះ​ជាតិ​នៅតាម​បណ្តា​ខេត្ត​មួយចំនួន​នោះ ត្រូវបាន​ក្រុមប្រឹក្សាធម្មនុញ្ញ​ពិនិត្យ​និង​សម្រេច​ចប់សព្វគ្រប់​រួចរាល់​អស់ហើយ​នា ​រសៀល​ថ្ងៃ​សុក​ទី​០៦ ខែកញ្ញា ឆ្នាំ​២០១៣​នេះ​។​ ​

លទ្ធផល​នៃ​ការពិនិត្យ និង​សម្រេច​របស់​ស្ថាប័ន​ក្រុមប្រឹក្សាធម្មនុញ្ញ​ទាក់ទង​នឹង​លទ្ធផល​នៃ​ការបោះឆ្នោត​តាម​បណ្តឹងតវ៉ា​របស់​គណបក្ស​សង្គ្រោះ​ជាតិ​នោះ គឺ​ក្រុមប្រឹក្សាធម្មនុញ្ញ​បានសម្រេច​តម្កល់​សេចក្តីសម្រេច​របស់​គណៈ​ក​ម្មា​ធិ​ការ​ជាតិ​រៀបចំ​ការបោះឆ្នោត «​គ​.​ជ​.​ប​» ទាំងអស់​គ្រប់​មណ្ឌលបោះឆ្នោត​ដែលមាន​ការប្តឹងតវ៉ា ពោលគឺ​បដិសេធចោល​នូវ​បណ្តឹងតវ៉ា​របស់​គណបក្ស​សង្គ្រោះ​ជាតិ​គ្រប់​មណ្ឌលបោះឆ្នោត​។​ ​

ព្រោះតែ​ការសម្រេច​របស់​ក្រុមប្រឹក្សាធម្មនុញ្ញ និង គ​.​ជ​.​ប ដូចគ្នា​ទាំងអស់​នេះហើយ ទើប​គណបក្ស​សង្គ្រោះ​ជាតិ​បានសម្រេច​ជ្រើស​រើសយក​ការធ្វើ​មហា​បាតុកម្មអហិង្សា​នៅ​ថ្ងៃស្អែក​ទី​០៧ ខែកញ្ញា ឆ្នាំ​២០១៣ ជា​ជម្រើស​ចុងក្រោយបង្អស់​៕​

1239880_565506926820446_1747013516_n

Filed in: Feature, ព័ត៌មានជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 012 858 205, 015 745 215 E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.