ថ្ងៃ អាទិត្យ ទី ២៥ ខែ តុលា ឆ្នាំ ២០២០

ថ្ងៃស្អែក​ក្រុមប្រឹក្សាធម្មនុញ្ញ​សម្រេច​លើ​បណ្តឹងតវ៉ា​លទ្ធផល​ឆ្នោត​របស់​គណបក្សប្រឆាំង​នៅ​ខេត្តសៀមរាប​ ខណៈ​ថ្ងៃនេះ​សម្រេច​នៅ​ខេត្តបាត់ដំបង

​យោង​តាម​សេចក្តី​ប្រកាស​ព័ត៌មាន​របស់​អគ្គលេខាធិការដ្ឋាន​ក្រុមប្រឹក្សាធម្មនុញ្ញ​ ចុះ​ថ្ងៃ​ទី​០៣​ ខែកញ្ញា​ ឆ្នាំ​២០១៣​ម្សិលមិញ​នេះ​ បាន​ឲ្យ​ដឹង​ថា​ នៅ​ថ្ងៃស្អែក​ទី​០៥​ ខែកញ្ញា​ ឆ្នាំ​២០១៣​ វេលា​ម៉ោង​៨​ព្រឹក​ ក្រុមប្រឹក្សាធម្មនុញ្ញ​នឹង​បើក​សវនាការ​ជំនុំជម្រះ​ជា​សាធារណៈ​លើ​បណ្តឹងតវ៉ា​នឹង​លទ្ធផល​បណ្តោះអាសន្ន​នៃ​ការ​បោះ​ឆ្នោត​របស់​គណបក្ស​សង្គ្រោះ​ជាតិ​ នៅ​មណ្ឌល​ខេត្តសៀមរាប​ ខណៈ​ដែល​វេលា​ព្រឹក​នេះ​ក្រុមប្រឹក្សាធម្មនុញ្ញ​សម្រេច​លើ​បណ្តឹងតវ៉ា​លទ្ធផល​ឆ្នោត​របស់​គណបក្សប្រឆាំង​នៅ​មណ្ឌល​ខេត្តបាត់ដំបង​ ។​

សូម​បញ្ជាក់​ជូន​ថា​ នៅ​មណ្ឌលបោះឆ្នោត​នៃ​ខេត្ត​-​រាជធានី​ចំនួន​១១​ គឺ​ខេត្តកំពង់ធំ​ ព្រះ​សីហ​នុ​ ក្រចេះ​ ស្វាយ​រៀង​ បន្ទាយ​មាន​ជ័យ​ ពោធិ៍សាត់​ កំពង់ស្ពឺ​ ព្រៃវែង​ កំពត​ តាកែវ​ និង​រាជធានី​ភ្នំពេញ​ ដែល​គណបក្ស​សង្គ្រោះ​ជាតិ​បាន​ដាក់​ពាក្យ​បណ្តឹងតវ៉ា​នឹង​សេចក្តីសម្រេច​របស់​គណៈកម្មាធិការ​ជាតិ​រៀបចំ​ការ​បោះ​ឆ្នោត​"​គ​.​ជ​.​ប​"​ ពាក់ព័ន្ធ​នឹង​លទ្ធផល​ឆ្នោត​បណ្តោះអាសន្ន​ ទៅ​ក្រុមប្រឹក្សាធម្មនុញ្ញ​នោះ​ ត្រូវ​បាន​ក្រុមប្រឹក្សាធម្មនុញ្ញ​សម្រេច​រួចរាល់​អស់ហើយ​ ។​ ​

ជា​លទ្ធផល​បាន​បង្ហាញ​ឲ្យ​ឃើញ​ថា​ ក្រុមប្រឹក្សាធម្មនុញ្ញ​បាន​សម្រេច​តម្កល់​សេចក្តីសម្រេច​របស់​ គ​.​ជ​.​ប​ ទាំងអស់​ ។​ មាន​ន័យ​ថា​ ក្រុមប្រឹក្សាធម្មនុញ្ញ​បាន​សម្រេច​បដិសេធ​ចោល​ពាក្យ​បណ្តឹងតវ៉ា​នឹង​លទ្ធផល​ឆ្នោត​របស់​គណបក្សប្រឆាំង​ទាំង​ចំនួន​១១​ខេត្ត​នេះ​ ។​

​មជ្ឈដ្ឋាន​អ្នក​តាមដាន​ព្រឹត្តិការណ៍​នយោបាយ​នៅ​កម្ពុជា​ បាន​លើក​ឡើង​ថា​ ការ​សម្រេច​ពី​លើក​មុនៗ​ លើក​នេះ​ក៏​ដូច​ជា​លើក​ក្រោយ​ដែរ​ គឺ​លទ្ធផល​នឹង​គ្មាន​អ្វី​ប្លែក​ទេ​ ពីព្រោះ​ក្រុមប្រឹក្សាធម្មនុញ្ញ​នឹង​សម្រេច​បដិសេធ​ចោល​ពាក្យបណ្តឹង​តវ៉ា​របស់​គណបក្សប្រឆាំង​ដដែល​ជា​ដដែល​ ប៉ុន្តែ​ការ​សម្រេច​នេះ​គ្រាន់តែ​ធ្វើ​ដើម្បី​បំពេញ​កិច្ច​ ឲ្យ​ស្រប​តាម​នីតិវិធី​ច្បាប់​ប៉ុណ្ណោះ​ ៕​

CCC-03

Filed in: Feature, ព័ត៌មានជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 012 858 205, 015 745 215 E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.