ថ្ងៃ ពុធ ទី ២១ ខែ តុលា ឆ្នាំ ២០២០

លេចចេញ​ព្រះរាជសារ​ព្រះមហាក្សត្រ​បង្ហោះ​ពេញ Facebook មិនដឹង​ជា​ពិត​ឫ​មិន​ពិត​?

​នៅ​ល្ងាច​ថ្ងៃទី​៣០ ខែសីហា ឆ្នាំ​២០១៣​នេះ មានការ​ភ្ញាក់ផ្អើល​មួយ​នៅក្នុង​បណ្តាញ​សង្គម Facebook ដោយសារ​លេចចេញ​ព្រះរាជសារ​របស់​ព្រះមហាក្សត្រ​ឡាយ​ព្រះហស្ត​លេខា​នៅ​ថ្ងៃទី​៣០ ខែសីហា ឆ្នាំ​២០១៣ ត្រូវបាន​គេ​បង្ហោះ​ពេញ Facebook តែម្តង ប៉ុន្តែ គេ​មិនទាន់​ទទួល​នៅ​ប្រភពព័ត៌មាន​ជាក់លាក់​ណាមួយ ដើម្បី​បញ្ជាក់ថា ព្រះរាជសារ​របស់​ព្រះមហាក្សត្រ​នេះ​ពិត​ឫ​មិន​ពិត​នៅឡើយ​។​

​ចំណុច​ដែល​គួរ​ឲ្យ​ពិចារណា​បំផុត​នោះ​គឺ​ការលេចចេញ​ព្រះរាជសារ​របស់​ព្រះមហាក្សត្រ​បង្ហោះ​នៅក្នុង Facebook នេះ ស្រប​ពេលដែល​អង្គ​ព្រះមហាក្សត្រ​កំពុង​គង់នៅ​ប្រទេស​ចិន​នៅឡើយ ហើយ​គេ​មិនទាន់​ដឹង​ច្បាស់​ថា តើ​អង្គ​ព្រះមហាក្សត្រ​នៃ​យើង​បាន​ប្រទាន​សិទ្ធិ​ជូន​ឥស្សរ​ជនណាម្នាក់​បំពេញ​ភារកិច្ច​ជា​ប្រមុខរដ្ឋស្តីទី ឫ​យ៉ាងណា​នោះទេ ក្នុងខណៈដែល​ព្រះអង្គ​កំពុង​យាង​គង់នៅ​ប្រទេស​ចិន​?

​ក្រុមអ្នកច្បាប់​បានលើកឡើង​ថា ប្រសិនបើ​អង្គ​ព្រះមហាក្សត្រ​បាន​ប្រទាន​សិទ្ធិ​ជូន​ឥស្សរ​ជនណាម្នាក់​ជា​ប្រមុខរដ្ឋស្តីទី​រួចហើយនោះ គឺ​ព្រះមហាក្សត្រ​ទ្រង់​មិនអាច​ឡាយ​ព្រះហស្ត​លេខា​លើ​ព្រះរាជសារ​ក្នុង​ព្រះ​ឋានៈ​ជា​ព្រះមហាក្សត្រ ដែល​ទ្រង់​ជា​ព្រះប្រមុខរដ្ឋ​បាន​នោះទេ​។​

​ព្រះរាជសារ​ចុះ​ថ្ងៃទី​៣០ ខែសីហា ឆ្នាំ​២០១៣ របស់​ព្រះករុណា​ព្រះបាទ​សម្តេច​ព្រះបរមនាថ នរោត្តម សីហមុនី ព្រះមហាក្សត្រ​នៃ​ព្រះរាជាណាចក្រ​កម្ពុជា ដែល​ត្រូវបាន​គេ​បង្ហោះ​ពេញ Facebook នោះ បានបញ្ជាក់​ដូច​ក្នុង​ខ្លឹមសារ​ដែល​បាន​ភ្ជាប់​មក​ជាមួយនេះ​។​ ​

ប៉ុន្តែ ទោះយ៉ាងណា​ក៏ដោយ​ព្រះរាជសារ​ចុះ​ថ្ងៃទី​៣០ ខែសីហា ឆ្នាំ​២០១៣​នេះ​របស់​អង្គ​ព្រះមហាក្សត្រ​មិនទាន់មាន​ប្រភព​ជាក់លាក់​ណាមួយ​អះអាងថា ជាការ​ពិត ឫ​យ៉ាងណា​នោះទេ ខណៈដែល​ប្រភពពី​ក្រសួងព្រះបរមរាជវាំង បាន​ឲ្យ​ដឹងថា អង្គ​ព្រះមហាក្សត្រ​នឹង​យាង​មកកាន់​ព្រះរាជាណាចក្រ​កម្ពុជា​វិញ​នៅ​សប្តាហ៍​ក្រោយ​៕​

2013

2013-30

Filed in: Feature, ព័ត៌មានជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 012 858 205, 015 745 215 E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.