ថ្ងៃ ពុធ ទី ២១ ខែ តុលា ឆ្នាំ ២០២០

មហា​បាតុកម្ម​ដឹកនាំ​ដោយ​គណបក្ស​សង្គ្រោះ​ជាតិ​គឺជា​ជម្រើស​ចុង​ក្រោយ​ដែល​យក​គំរូ​តាម​អតីត​មេដឹកនាំ​ឥណ្ឌា​ មហា​ត្មះ​ គ​ន្ធី​

​ថ្លែង​នៅ​ក្នុង​សន្និសីទ​សារព័ត៌មាន​របស់​គណបក្ស​សង្គ្រោះ​ជាតិ​នៅ​វេលា​ព្រឹក​នា​ថ្ងៃ​ទី​២៩​ ខែសីហា​ ឆ្នាំ​២០១៣​នេះ​ ឯកឧត្តម​ សម​ រ​ង្ស៊ី​ ប្រធាន​គណបក្ស​សង្គ្រោះ​ជាតិ​ បាន​ឲ្យ​ដឹង​ថា​ មហា​បាតុកម្ម​ប្រឆាំង​នឹង​លទ្ធផល​ឆ្នោត​ដែល​ដឹកនាំ​ដោយ​គណបក្ស​សង្គ្រោះ​ជាតិ​ គឺជា​ជម្រើស​ចុង​ក្រោយ​ដែល​យក​លំនាំ​តាម​ការ​ដឹកនាំ​របស់​អតីត​មេដឹកនាំ​ឥណ្ឌា​ មហា​ត្មះ​ គ​ន្ធី​ ។​

ឯកឧត្តម​ សម​ រ​ង្ស៊ី​ បាន​មាន​ប្រសាសន៍​ឲ្យ​ដឹង​ថា​ មហា​បាតុកម្ម​ប្រឆាំង​នឹង​លទ្ធផល​ឆ្នោត​ដែល​មាន​ភាព​មិន​ប្រក្រតី​នោះ​ នឹង​កើត​មាន​ឡើង​ក្នុង​ករណី​គ្មាន​ដំណោះស្រាយ​សម​ស្រប​តាម​ការ​ស្នើ​សុំ​របស់​គណបក្ស​សង្គ្រោះ​ជាតិ​ មាន​ន័យ​ថា​ ការ​ធ្វើ​មហា​បាតុកម្ម​នេះ​គឺជា​ជម្រើស​ចុង​ក្រោយបង្អស់​របស់​គណបក្ស​សង្គ្រោះ​ជាតិ​ ។​ ​

ឯកឧត្តម​ប្រធាន​គណបក្ស​សង្គ្រោះ​ជាតិ​ដ៏​មាន​ប្រជាប្រិយភាព​រូប​នេះ​ បាន​ឲ្យ​ដឹង​ដែរ​ថា​ គណបក្ស​សង្គ្រោះ​ជាតិ​គ្រោង​នឹង​ដឹកនាំ​មហា​បាតុកម្ម​ដោយ​មានការ​ចូលរួម​ពី​មនុស្ស​ត្រឹម​ប្រមាណ​១០​ម៉ឺន​នាក់​ប៉ុណ្ណោះ​ គឺ​មិន​ចង់បាន​ច្រើន​ដូច​នៅ​ប្រទេស​ដទៃ​ទេ​ ហើយ​មហា​បាតុកម្ម​នេះ​នឹង​ប្រព្រឹត្ត​ទៅ​ដោយ​អហិង្សា​ មិន​ឲ្យ​មាន​មនុស្ស​រង​របួស​ ឬ​គ្រោះថ្នាក់​អ្វី​ឡើយ​ ប៉ុន្តែ​មាន​ឆន្ទៈ​មុះ​មុត​ ដូចដែល​អ្វី​អតីត​មេដឹកនាំ​ឥណ្ឌា​ មហា​ត្មះ​ គ​ន្ធី​ ធ្លាប់​បាន​ធ្វើ​កន្លង​មក​ ។​

​ថ្នាក់ដឹកនាំ​គណបក្ស​សង្គ្រោះ​ជាតិ​បាន​បញ្ជាក់​យ៉ាង​ច្បាស់លាស់​ថា​ គម្រោង​ធ្វើ​មហា​បាតុកម្ម​នោះ​នឹង​ប្រព្រឹត្ត​ទៅ​នៅ​ថ្ងៃ​ទី​០៧​ ខែកញ្ញា​ ឆ្នាំ​២០១៣​ខាង​មុខ​ ហើយ​ចាប់ពី​ពេល​នេះ​តទៅ​គណបក្ស​សង្គ្រោះ​ជាតិ​នឹង​បើក​កម្មវិធី​បង្រៀន​អំពី​ក្បួនខ្នាត​របៀបរបប​នៃ​ការ​ធ្វើ​មហា​បាតុកម្ម​ទៅ​ដល់​អ្នកគាំទ្រ​គណបក្ស​សង្គ្រោះ​ជាតិ​ទាំងអស់​ ដែល​មាន​បំណង​ចង់​ចូលរួម​ធ្វើ​មហា​បាតុកម្ម​សង្គ្រោះ​ជាតិ​ជា​ប្រវត្តិសាស្ត្រ​នេះ​ ៕​

CNRP-29-08-13

Filed in: Feature, ព័ត៌មានជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 012 858 205, 015 745 215 E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.