ថ្ងៃ ពុធ ទី ២១ ខែ តុលា ឆ្នាំ ២០២០

ពិធីករ​ស្ថានីយ៍ទូរទស្សន៍ CTN ជួប​ហេតុការណ៍​គ្រោះថ្នាក់​ចរាចរណ៍​

​សេចក្តីរាយការណ៍​ពី​សមត្ថកិច្ច​បាន​ឲ្យ​ដឹងថា កាលពី​វេលា​ម៉ោង​១២ និង​០៥​នាទី​រំលង​អា​ធ្រា​ត្រ​ថ្ងៃទី​២៨ ឈានចូល​ថ្ងៃទី​២៩ ខែសីហា ឆ្នាំ​២០១៣​នេះ មាន​ហេតុការណ៍​គ្រោះថ្នាក់​ចរាចរណ៍​មួយ​បានកើត​ឡើង​រវាង​រថ​យន្តកា​មា​រី​គូថ​ប៉ោង និង​រថយន្ត​ម៉ាក​ឡង់​គ្រី​ស័​រ​ពណ៌​ខ្មៅ​មួយគ្រឿង​ដែល​បើកបរ​ក្នុងទិសដៅ​បញ្ច្រាសទិស​គ្នា នៅ​ចំណុច​លើ​ស្ពាន​ជ្រោយចង្វា សង្កាត់​ជ្រោយចង្វា​ ខណ្ឌឫស្សីកែវ រាជធានី​ភ្នំពេញ​។​ ​

សមត្ថកិច្ច​បាន​ឲ្យ​ដឹងថា អ្នកបើកបរ​រថយន្ត​កា​មេ​រី​គូថ​ប៉ោង​នោះ គឺ​លោក អ៊ិត សេដ្ឋា ដែល​គេ​ស្គាល់​ថា ជា​ពិធីករ​របស់​ស្ថានីយ៍ទូរទស្សន៍ CTN ធ្វើដំណើរ​ឆ្លងកាត់​ស្ពាន​ជ្រោយចង្វា ក្នុងទិសដៅ​ពី​លិចទៅ​កើត រីឯ​រថយន្ត​ឡង់​គ្រី​ស័​រ បើកបរ​ដោយ​បុរស​ម្នាក់​ដែល​ពុំ​ស្គាល់​អត្តសញ្ញាណ ពីព្រោះ​បាន​គេចខ្លួនបាត់​បន្ទាប់​ពី​ជួប​ហេតុការណ៍​ជួប​គ្រោះថ្នាក់​ចរាចរណ៍​នេះ​រួចមក​។​ ​

សមត្ថកិច្ច​បាន​ឲ្យ​ដឹង​ទៀតថា អ្នកបើកបរ​រថយន្ត​ម៉ាក​ឡង់​គ្រី​ស័​រ បាន​រេ​ចង្កូត​ទៅបុក​រថយន្ត​របស់លោក អ៊ិត សេដ្ឋា នៅ​ផ្នែក​ខាងក្រោយ បណ្តាល​ឲ្យ​បាក់​កាឡេ ទៅមុខ​លែងរួច ហើយ​រថយន្ត​បង្ក​បាន​ជ្រុល​ទៅបុក​បង្កាន់ដៃស្ពាន​ជ្រោយចង្វា​បណ្តាល​ឲ្យ​ខូចខាត​បង្កាន់ដៃស្ពាន​ថែមទៀត ដោយ​ជាប់​រថយន្ត​នៅ​ទីនោះ​តែម្តង​។

​ក្នុង​ហេតុការណ៍​គ្រោះថ្នាក់​ចរាចរណ៍​នេះ លោក​អ៊ិត សេដ្ឋា មិនបាន​រងរបួស​អ្វី​ទេ​គឺ​ត្រឹម​ខូចខាត​រថយន្ត​តែប៉ុណ្ណោះ រីឯ​រថយន្ត​បង្ក​ត្រូវបាន​សមត្ថកិច្ច​ខណ្ឌឫស្សីកែវ អូស​យកទៅ​ទុក ដើម្បី​រង់ចាំ​ឲ្យ​មានការ​ឲ្យ​ចូលខ្លួន​មក​ដោះស្រាយ​៕​

ith setha_0016

Filed in: Feature, ព័ត៌មានជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 012 858 205, 015 745 215 E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.