ថ្ងៃ ចន្ទ ទី ២០ ខែ កញ្ញា ឆ្នាំ ២០២១

ទីផ្សារ​ចិញ្ចឹមសត្វ​ក្រពើ​នៅ​កម្ពុជា​ដាំ​ក្បាល​ចុះ​​

ប្រជា​នេសាទ​រស់នៅ​ស្រុក​ស្ទឹង​ហាវ​ ខេត្ដ​ព្រះ​សីហ​នុ​ សឹង​គ្រប់​គ្នា​ដែល​ធ្លាប់តែ​បរិភោគ​ត្រី​ បង្គា​ មឹក​ និង​ក្ដាម​សមុទ្រ​នោះ​ ឥឡូវ​ពួក​គាត់​កំពុង​ជក់មាត់​នឹង​ការ​បរិភោគ​សាច់​ក្រពើ​ ដោយ​មិន​ចាំបាច់​ចំណាយ​ប្រាក់​កាស​មួយ​កាក់​មួយ​សេន​ឡើយ​ ។​ ហេតុ​អ្វី​ ? ​

ម្ចាស់​កសិដ្ឋាន​ចិញ្ចឹមសត្វ​ក្រពើ​មួយ​កន្លែង​ឋិត​នៅ​ភូមិ​អូរ​ត្រេះ​ ឃុំ​អូរ​ត្រេះ​ ស្រុក​ស្ទឹង​ហាវ​ ខេត្ដ​ព្រះ​សីហ​នុ​ មានឈ្មោះ​ ហាវ​ បានឱ្យ​ដឹង​ថា​ កសិដ្ឋាន​របស់​គាត់​មាន​ចិញ្ចឹមសត្វ​ក្រពើ​រាប់​ពាន់​ក្បាល​កំពុង​តែ​ប្រឈម​នឹង​បញ្ហា​ទីផ្សារ​គ្មាន​អ្នកទិញ​ ។​ ​

លោក​ ហាវ​ ម្ចាស់​កសិដ្ឋាន​ចិញ្ចឹមសត្វ​ក្រពើ​ដ៏​ធំ​នេះ​បាន​បញ្ជាក់​ប្រាប់​ថា​ បច្ចុប្បន្ន​ដោយសារ​មាន​ឈ្មួញ​ពី​ប្រទេស​ថៃ​ត្រូវការ​ទិញ​ស្បែក​ក្រពើ​ខ្លះៗ​នោះ​ គឺ​គាត់​បង្ខំចិត្ដ​សម្លាប់សត្វ​ ក្រពើ​ក្នុង​មួយ​ថ្ងៃៗ​ប្រមាណ​ជាង​៥០​ក្បាល​ ដើម្បី​ពន្លាត់​យក​ស្បែក​លក់​ឱ្យ​ឈ្មួញ​ប្រទេស​ថៃ​ រីឯ​សត្វ​ក្រពើ​ដែល​ឈ្មួញ​មិន​ត្រូវការ​ទិញ​នោះ​ គាត់​បាន​ចែកចាយ​ឱ្យ​អ្នក​ភូម​មិ​បរិភោគ​ស្ទើរ​ គ្រប់ៗ​ផ្ទះ​ ។​

​លោក​ ហាវ​ បាន​បញ្ជាក់​ប្រាប់​ទាំង​ទឹកមុខ​ស្ងួត​ទៀត​ថា​ គាត់​ចិញ្ចឹម​ក្រពើ​អស់​ជា​ច្រើន​ឆ្នាំ​មក​ហើយ​ តែ​គ្មាន​ទីផ្សារ​លក់​ចេញ​សោះ​ គឺ​មាន​តែ​ការ​ចំណាយ​ទៅ​លើ​ចំណី​ឱ្យ​សត្វ​ក្រពើ​ ជា​រៀងរាល់ថ្ងៃ​ ដែល​គិត​ជា​ទឹកប្រាក់​អស់​មិន​តិច​ឡើយ​ ហើយ​ឥឡូវ​ដើម្បី​ស្រង់​ដើម​បាន​មក​វិញ​ខ្លះ​ គាត់​ត្រូវ​បង្ខំចិត្ដ​សម្លាប់សត្វ​ក្រពើ​ពន្លះ​យក​ស្បែក​វា​លក់​ឱ្យទៅ​ឈ្មួញ​ថៃ​ជា​រៀងរាល់ថ្ងៃ​ ក្នុង​តម្លៃ​ថោក​ពី​៨០​ដុល្លារ​ទៅ​១០០​ដុល្លារ​អា​មេ​រិ​ក​ប៉ុណ្ណោះ​គិត​តាម​ស្បែក​ត្រូវប៉ាន់​ ។​

​មន្ដ្រី​ជំនាញ​ជលផល​ម្នាក់​បាន​និយាយ​ឱ្យ​ដឹង​ថា​ ទីផ្សារ​ចិញ្ចឹម​ក្រពើ​សព្វថ្ងៃ​ពិតជា​គ្មាន​មែន​ ដែល​ធ្វើ​ឱ្យ​ម្ចាស់​កសិដ្ឋាន​ចិញ្ចឹម​ក្រពើ​មួយ​ចំនួន​សឹង​បោះបង់​ចោល​មុខរបរ​នេះ​ហើយៗ​ ការ​អប់រំ​ប្រជា​កសិករ​អំពី​វិធី​ចិញ្ចឹមសត្វ​ក្រពើ​ក៏​លែង​សូវ​មាន​ន័យ​ និង​មាន​អត្ថប្រយោជន៍​ទៀត​ដែរ​ ៕

Crocodile2

Filed in: Feature, សេដ្ឋកិច្ច

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 011 728 471 / 015 868 753.E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.