ថ្ងៃ ពុធ ទី ១២ ខែ ធ្នូ ឆ្នាំ ២០១៨

ចរិត​ដ៏​កាច​សាហាវ​របស់​សង្គ្រាម​ចាប់តាំងពី​៦​ពាន់​ឆ្នាំនៃ​ប្រវត្តិសាស្ត្រ​មនុស្សលោក​

​សង្គ្រាម​១០.០០០ លើក ក្នុង​រយៈកាល ៦.០០០​ឆ្នាំ នៃ​ប្រវត្តិសាស្ត្រ​របស់​មនុស្សលោក​គឺ​ពិតជា​ធ្ងន់ធ្ងរ​ណាស់​។ ​សង្គ្រាមលោក​ទាំងពីរ​លើក ៤​ករណី​ប្រល័យពូជសាសន៍ ដូចជា​ការកាប់សម្លាប់​ជនជាតិ Aimenia ជនជាតិ​អ៊ីស្រាអែល ជនជាតិ​កម្ពុជា និង Rwanda​ នៅ​សតវត្សរ៍​ទី​២០ ជា​សតវត្សរ៍​ដែល​ដណ្តើម​បាន​តំណែង​ជើងឯក​អំពី​ការ​ភ័យរន្ធត់​គិត​តាំងពី ៦.០០០​ឆ្នាំ​មក​នៃ​ប្រវត្តិសាស្ត្រ​មនុស្សលោក និង​មាន​ចរិត​កាន់តែ​សាហាវព្រៃផ្សៃ​។​ ​

បច្ចុប្បន្ន​លើ​សកលលោក​កំពុង​តែមាន​សង្គ្រាម​រហូត​ដល់​ជាង​៣០​ករណី ពោលគឺ​មាន​ជិត​ដល់​១៥០​សង្គ្រាម គិត​ចាប់តាំងពី​ឆ្នាំ​១៩៤៥​មក ដែល​បានសម្លាប់​មនុស្ស​អស់​ចំនួន​៣០​លាន​នាក់ ក្នុងនោះ ៨០% ជា​ប្រជាជន​សាមញ្ញ​ស្មើនឹង​ពាក់កណ្តាល​ចំនួន​មនុស្ស​ស្លាប់​ក្នុង​សង្គ្រាមលោកលើកទី​២​។​ ​

សង្គ្រាមលោកលើកទី​១ បានធ្វើ​ឲ្យ​មនុស្ស​ចំនួន​៣០​លាន​នាក់​ស្លាប់ ក្នុងនោះ​ចំនួន ៨០% ជា​ទាហាន​។ រីឯ​សង្គ្រាមលោកលើកទី​២ បាន​ផ្តាច់ជីវិត​មនុស្ស​អស់​ចំនួន​៦០​លាន​នាក់ ដែល​ពាក់កណ្តាល​ជា​ទាហាន និង​ពាក់កណ្តាល​ទៀត​ជា​ប្រជាជន​សាមញ្ញ​។​ ​

ករណី​ឧក្រិដ្ឋកម្ម​ធំធេង​មួយចំនួន​បាន​រីក​រាលដាល​កាន់តែច្រើន​ទ្វេដង​។ បណ្តាញ​ជួញដូរ​គ្រឿងញៀន​ទាំងឡាយ​របស់​ម៉ាហ្វីយ៉ា «Mafia» បានធ្វើ​សកម្មភាព​ក្នុង​ក្របខ័ណ្ឌ​អន្តរជាតិ ហើយ​ត្រូវបាន​បំពាក់​ដោយ​អាវុធ​ធុន​ធ្ងន់​ជាច្រើន​។ បណ្តា​សហគមន៍​គ្រឿងញៀន​បាន​ទិញ​ទាំង​នាវាមុជទឹក និង​រថពាសដែក​។ ខ្សែរយៈ​លាងលុយកក្វក​ដោយសារ​ជួញដូរ​គ្រឿងញៀន​បាន​បង្កើតឡើង​នៅ​ទូទាំង​ពិភពលោក ហើយ​ត្រូវបាន​បណ្តា​ប្រទេស​អ្នកមាន​ធំៗ​គាំទ្រ និង​ជួយ​បិទបាំង​ការពារ​។​

ខឿនសេដ្ឋកិច្ច​របស់​ពួក Mafia មាន​ផលិតផល​ប្រមាណ​ពី​៦% ទៅ ៧% ប្រចាំឆ្នាំ​លើ​សកលលោក ដោយបាន​ក្លាយទៅជា​ការ​ប្រយុទ្ធ​តស៊ូ​ប្រឆាំង​មួយ​យ៉ាង​ស្វិតស្វាញ​ទាំង​វិធានការ​បច្ចេកទេស ទាំង​កម្លាំង​សម​ត្ថិ​ច្ច ពោលគឺ​សង្គ្រាម​មួយ​ទាំងមូល​ដែលមាន​ទំហំ​គួរ​ឲ្យ​ព្រួយបារម្ភ​នៅក្នុង​ពិភពលោក​នៃ​យុគសម័យ​ថ្មី​នេះ​៕​

war

Filed in: Feature, ស្រាវជ្រាវ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 012 858 205, 015 745 215 E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.