ថ្ងៃ ពុធ ទី ២៩ ខែ មិថុនា ឆ្នាំ ២០២២

ដំណើរមាតុភូមិនិវត្តន៍​របស់​ឯកឧត្តម​​ សម រង្ស៊ី ​នាព្រឹកនេះ​ក្លាយជាយុទ្ធនាការឃោសនារបស់គណបក្ស​សង្គ្រោះជាតិ​ដែលមានអ្នកគាំទ្រ​ភ្លូកទឹកភ្លូកដី

អ្នកគាំទ្រ​គណបក្ស​សង្គ្រោះជាតិដែលមានចំនួន​ប្រមាណ ៧ម៉ឺននាក់ ពីដំបូង​ក្នុងអារម្មណ៍របស់​ពួកគេ​គឺត្រឹមត្រៀមខ្លួន​មកចូលរួម​ទទួល​ដំណើរមាតុភូមិនិវត្តន៍របស់​ឯកឧត្តម សម រង្ស៊ី ប្រធានគណបក្ស​សង្គ្រោះជាតិ​ចាកចេញពីបរទេស​មក​កាន់​ព្រះរាជាណាចក្រកម្ពុជាវិញ​នាព្រឹកមិញ​ ដើម្បីបាន​ជួបមុខ​ និងលើកកម្លាំងចិត្ត​ដល់ឯកឧត្តម​ប្រធាន​ដ៏មានប្រជាប្រិយភាព​រូបនេះ​ប៉ុណ្ណោះ។

ប៉ុន្តែ អ្វីៗ​វាខុសពីការគិត​ជាបឋម​ទាំងអស់​នៅពេល​ដែលដំណើរ​មាតុភូមិនិវត្តន៍​របស់ឯកឧត្តម សម រង្ស៊ី នាពេលនេះ​គឺវាបាន​ក្លាយទៅជា​យុទ្ធនាការ​ឃោសនា​រកសំឡេងឆ្នោតគាំទ្រ​របស់​គណបក្សសង្គ្រោះជាតិ​ដ៏ធំសម្បើម​ក្រោមសំឡេង​អបអរ​សាទរ​ឯកឧត្តម​ សម រង្ស៊ី ផង និងបង្ហាញអំពីរូបភាព​នៃការលើក​ប្រជាប្រិយភាព​គាំទ្រ​របស់គណបក្ស​សង្គ្រោះជាតិ​ទាំងមូលផង​ ដើម្បីឈានឆ្ពោះ​ទៅរក​ប្រៀបឈ្នះ​នៅក្នុងការបោះឆ្នោត​ជ្រើសតាំងតំណាង​រាស្ត្រ​នីតិកាលទី៥ ដែលនឹង​ប្រព្រឹត្តទៅនៅ​ថ្ងៃអាទិត្យ​ ទី២៨ ខែកក្កដា ឆ្នាំ២០១៣ ខាងមុខ​។

មិនត្រឹមតែ​ចំពោះ​អ្នកគាំទ្រ​គណបក្ស​សង្គ្រោះជាតិ​ប៉ុណ្ណោះទេ សូម្បីប្រជាពលរដ្ឋ​ដែល​រស់​នៅតាមបណ្តោយ និងក្បែរ​មហាវិថីសហព័ន្ធរុស្ស៊ី និងអ្នកធ្វើដំណើរតាមដងមហាវិថី ឬវិថីនានា​ដែលក្បួនដង្ហែ​មាតុភូមិនិវត្តន៍​របស់​ឯកឧត្តម​ សម រង្ស៊ី​ ឆ្លងកាត់នោះ​គឺ​សុទ្ធតែ​មានអារម្មណ៍​រំភើប និងស្ញប់ស្ញែង​ទៅនឹងសន្ទុះ​នៃការគាំទ្រ​ពីគ្រប់​មជ្ឈដ្ឋាន​ជាពិសេស​ស្រទាប់យុវជន​សម័យថ្មីទៅលើ​គណបក្ស​សង្គ្រោះជាតិ​ដែល​ជាគណបក្ស​នយោបាយ​ប្រឆាំងដ៏ធំ​នៅកម្ពុជា។

ដូច្នេះ វាជារឿងជោគជ័យ​ទ្វេដងនឹកស្មានមិនដល់មួយ​ ដែល​ដំណើរ​មាតុភូមិនិវត្តន៍​របស់​ឯកឧត្តម សម រង្ស៊ី នាព្រឹកនេះ​បានក្លាយទៅជា​យុទ្ធនាការ​ឃោសនា​របស់​គណបក្ស​សង្គ្រោះជាតិ​ដែលមានអ្នកគាំទ្រភ្លូកទឹកភ្លូកដី ដ៏គួរឲ្យចាប់អារម្មណ៍បំផុត​៕

7rainsy

Filed in: Feature, ព័ត៌មានជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 011 728 471 / 015 868 753.E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.