ថ្ងៃ សៅរ៏ ទី ១៩ ខែ កញ្ញា ឆ្នាំ ២០២០

អាហារ​៩​មុខ​ជួយ​ឱ្យ​សក់​ល្អ​ស្អាត​

​បើ​ចង់បាន​សក់​ស្អាត​រលើប​រលោង​ ជាប់​ស្វិត​ ត្រូវ​ថែទាំ​ពី​ផ្នែក​ខាងក្នុង​ខ្លួន​យើង​ផង​ ព្រោះ​ការ​ថែទាំ​តែ​ផ្នែក​ ខាងក្រៅ​វា​មិន​ទាន់​គ្រប់គ្រាន់​ឡើយ​ ។​

​អ្នកជំនាញ​ខាង​សរសៃសក់​ បាន​បង្ហាញ​ប្រាប់​អំពី​អាហារ​ចំនួន​៩​មុខ​ដែល​មាន​ប្រយោជន៍​ជួយ​ឱ្យ​សក់​មាន​សុខភាព​ល្អ​ដូច​តទៅ​ ៖

១-​សាច់សត្វ​ ៖​ កោសិកា​ឫស​សក់ប្រកប​ទៅ​ដោយ​ប្រូតេអ៊ីន​ ។​ ដូច្នេះ​ យើង​គួរតែ​ទទួលទាន​អាហារ​ដែល​មាន​ប្រូតេអ៊ីន​ខ្ពស់​ ជា​ពិសេស​អាហារ​ពេល​ព្រឹក​ ។​ ចំណែក​អាហារ​ពេល​ថ្ងៃត្រង់​ បើ​ចង់​ទទួល​បាន​លទ្ធផល​ខ្ពស់​ គឺ​ត្រូវ​ទទួលទាន​សាច់សត្វ​ដែល​មិន​ជាប់​ខ្លាញ់​ ។​

២-​អូ​មេ​ហ្គា​ ៖​ អ្នក​ដែល​មាន​សក់​ស្ងួត​បែក​ចុង​ គួរតែ​ទទួលទាន​អាហារ​ដែល​សម្បូណ៌​ទៅ​ដោយ​ខ្លាញ់​ចាំបាច់​ ជា​ពិសេស​ត្រី​ដែល​មាន​ខ្លាញ់​ខ្ពស់​ ដូច​ជា​ត្រី​ធូ​ណា​ និង​ត្រីសូ​ម៉ុង​ ដើម្បី​ជួយ​ថែរក្សា​សក់​ឱ្យ​បាន​ល្អ​ ។​

៣-​អង្ករសំរូប​ ៖​ បាយ​អង្ករ​សំរូប​ជា​ប្រភេទ​អាហារ​ម្យ៉ាង​ដែល​ផ្ដល់​ថាមពល​ដល់​រាង​កាយ​បាន​យូរ​ជាង​អង្ករសម្រិត​ ជា​ពិសេស​កាល​ណា​យើង​ទទួលទាន​ជាមួយ​ប្រូ​តេ​អ៊ី​ន​ ពីព្រោះ​វា​ផ្ដល់​សារធាតុ​អា​ហារ​ដែល​សរសៃសក់​ត្រូវការ​បាន​គ្រប់​ ដោយសារ​តែ​វា​ជា​ប្រភព​ដែល​សម្បូណ៌​ទៅ​ដោយ​វីតាមីន​ ​B និង​កាក​សរសៃ​ ។​

៤-​ស៊ុត​ ៖​ ភាគច្រើន​យើង​តែង​យក​ស៊ុត​ក្រហម​មក​ផ្អាប់​សក់​នឹង​ជួយ​ឱ្យ​សក់​ទន់​ជាប់​ស្វិត​ ។​​ ប៉ុន្ដែ​ស៊ុត​នៅ​មាន​ប្រយោជន៍​ដូច​គ្នា​ កាលណា​យើង​យក​មក​ទទួលទាន​ ពោល​គឺ​ស៊ុត​ស​សម្បូណ៌​ទៅ​ដោយ​ប្រូតេអ៊ីន​ និង​អាស៊ីត​អា​មី​ណូ​ចាំ​បាច់​ដែល​ជា​សមាសធាតុ​ផ្សំ​សំខាន់​ អាច​ជួយ​ឱ្យ​សរសៃសក់​ដុះ​ជាប់​ស្វិត​ល្អ​ ។​

៥-​គ្រាប់​ធញ្ញជាតិ​ ៖​ ពេល​យើង​ទទួលទាន​គ្រាប់​ធញ្ញជាតិ​ជា​អាហារ​សម្រន់​ ក៏​ជា​វិធី​មួយ​ជួយ​បង្កើន​ប្រូតេអ៊ីន​ដល់​រាង​កាយ​។​ សូម​ទទួលទាន​គ្រាប់​ល្ពៅ​ គ្រាប់​ឈូករ័ត្ន​ និង​ល្ង​ ដែល​ទទួលទាន​ទៅ​ឆ្ងាញ់​ផង​ និង​មាន​ប្រយោជន៍​ ផង​ ។​

៦-​អាល​ម៉​ង់​(Almond​)​ ៖​ អាល​ម៉​ង់​ជា​ប្រភព​ប្រូតេអ៊ីន​មានគុណ​ភាព​ខ្ពស់​ដែល​រាង​កាយ​ងាយ​បឺត​ស្រូប​យក​ ។​

៧-​ផ្លែ​ឈើ​ ៖​ ត្រូវ​ទទួលទាន​បន្លែ​-​ផ្លែ​ឈើ​ក្នុង​បរិមាណ​៥​ចំណែក​ក្នុង​មួយ​ថ្ងៃ​ ដើម្បី​ជំនួយ​ដល់​សរសៃសក់​និង​ផ្នែក​ផ្សេងៗ​ទៀត​នៃ​រាង​កាយ​ ។​ បន្លែ​-​ផ្លែ​ឈើ​សម្បូណ៌​ទៅ​ដោយ​វីតាមីន​ដែល​មាន​ប្រយោជន៍​ចំពោះ​ស្បែក​ក្បាល​ និង​សរសៃសក់​ ថែម​ទាំង​សម្បូណ៌​ទៅ​ដោយសារ​ធាតុ​ដែល​ផ្ដល់​សំណើម​ និង​ជួយ​ទប់ស្កាត់​រ៉ា​ឌី​កាល់​សេរី​ ។​

៨-​ទឹក​ ៖​ សរសៃសក់​ក៏​ត្រូវការ​សំណើម​ដូច​រាង​កាយ​និង​ស្បែក​ដែរ​ ។​ ទឹកនឹង​ជួយ​ឱ្យ​សរសៃសក់​រលើបរលោង​ដូច​សរសៃសូត្រ​ ។​ ដូច្នេះ​ យើង​ត្រូវ​ផឹកទឹក​ឱ្យ​បាន​ពី​៨-១០​កែវ​ក្នុង​មួយ​ថ្ងៃ​ ឬ​១-២​លី​ត្រ​ក្នុង​មួយ​ថ្ងៃ​ ។​

៩-​អាហារ​បន្ថែម​វីតាមីន​ ៖​ យើង​គួរតែ​បង្កើន​ប្រយោជន៍​ពី​អា​ហារ​បន្ថែម​ប្រភេទ​វីតាមីន​ចូល​ទៅ​ព្រម​ជាមួយ​អាហារ​ ដោយ​ជ្រើសរើស​ទទួលទាន​អាហារ​បន្ថែម​នូវ​ពពួក​វីតាមីន​ B វីតាមីន​ C​ វី​តា​មីន​ E​ វីតាមីន ​A​ និង​វីតាមីន​ K​ ពីព្រោះ​សុទ្ធតែ​ជា​វីតាមីន​ដែល​ជួយ​បន្ថែម​ធាតុដែក​ ៕

Food

Filed in: សុខភាព

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 012 858 205, 015 745 215 E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.