ថ្ងៃ សុក្រ ទី ១៩ ខែ សីហា ឆ្នាំ ២០២២

យក​រូប​“​សម្ដេច​ទាំង​បី​”​ឱ្យ​ជិះ​ឡាន​ជាប់ផុង​​

កាលពី​ថ្ងៃ​ទី​១០​ខែកក្កដា​ឆ្នាំ​២០១៣​ម្សិលមិញ​នេះ​ ក្រុម​ការ​ងារ​ឃោសនា​ចល័ត​របស់​គណបក្ស​ប្រជាជន​កម្ពុជា ​ ខេត្ដ​ព្រះ​សីហ​នុ​ បាន​ចុះ​ឃោសនា​រក​សំឡេង​ឆ្នោត​គាំទ្រ​ពី​ប្រជារាស្ដ្រ​ជា​ម្ចាស់​ឆ្នោត​ នៅ​ភូមិសាស្ដ្រ​ឃុំ​បិត​ត្រាំ​ង​ ស្រុក​ព្រៃ​នប់​ ខេត្ដ​ព្រះ​សីហ​នុ​ ។​

​អ្វី​ដែល​គួរ​ឱ្យ​ចាប់អារម្មណ៍​បំផុត​នៅ​ក្នុង​ឱកាស​យុទ្ធនាការ​ឃោសនា​រក​សំឡេង​ឆ្នោត​គាំទ្រ​ របស់​គណបក្ស​ប្រជាជន​កម្ពុជា​ខេត្ដ​ព្រះ​សីហ​នុ​នោះ​ គឺ​រថយន្ដ​មួយ​គ្រឿង​លម្អ​តុបតែង​យ៉ាង​ស្រស់​ឆើតឆាយ​ដោយ​ស្លាក​សញ្ញា​ (LOGO)​ គណបក្ស​ប្រជាជន​កម្ពុជា​ និង​ជា​ពិសេស​រូបថត​តំណាង​ឱ្យ​ “​សម្ដេច​ទាំង​បី​”​ជា​ថ្នាក់ដឹកនាំ​កំពូល​របស់​គណបក្ស​ប្រជាជន​កម្ពុជា​ ​បាន​ជាប់ផុង​ទៅ​មុខ​លែង​រួច​នៅ​លើ​ផ្លូវលំ​ក្រាល​ក្រួស​ក្រហម​១​ខ្សែ​ ជា​ហេតុ​ធ្វើ​ឱ្យ​ សកម្មជន​របស់​គណបក្ស​ត្រូវ​បង្ខំ​ចិត្ដ​នាំ​គ្នា​ចុះ​រុញ​រថយន្ដ​ថយក្រោយ​វិញ​ ។​

​រូបភាព​ដែល​ជា​ព័ស្ដុតាង​ជាក់​ស្ដែង​ និង​ត្រូវ​បាន​បង្ហោះ​តាម​គេហទំព័រ​បណ្ដាញ​ព័ត៌មាន​សង្គម​ហ្វេ​ស​ប៊ុ​ក​ទៀត​នោះ​ បាន​បង្ហាញ​ឱ្យ​ឃើញ​ថា​ សមិទ្ធផល​កសាង​ហេដ្ឋារចនាសម្ព័ន្ធ​ផ្លូវថ្នល់​ ដោយ​គណបក្ស​នយោបាយ​កាន់​អំណាច​ ដែល​តែងតែ​អះអាង​ថា​“​អភិវឌ្ឍន៍​គ្រប់​វិស័យ​”​នោះ​មិន​មាន​លក្ខណៈ​ជា​ការ​ពិត​ទេ​ ពីព្រោះ​ផ្លូវថ្នល់​ ក្រាល​ក្រួស​ក្រហម​ទាំងមូល​គ្រាន់​តែ​ភ្លៀង​មួយ​មេ​ធ្វើ​ឱ្យ​រថយន្ដ​ហែ​ក្បូន​ឃោសនា​គណបក្ស​ជាប់ផុង​បាត់​ទៅ​ហើយៗ​លុយកាក់​ចេះ​តែ​ចំណាយ​ជាប់​លើ​ការ​ធ្វើ​ផ្លូវ​ ដូច​ពាក្យ​គេ​ពោល​ថា​ “​ផ្លូវ​ធ្វើ​ជាប់​”​។

​ ​រូបភាព​នៃ​រថយន្ដ​ហែ​ក្បួន​ឃោសនា​គណបក្ស​ប្រជាជន​កម្ពុជា​ខេត្ដ​ព្រះ​សីហ​នុ​ដែល​ជាប់ផុង​ទៅ​មុខ​លែង​រួច​នៅ​លើ​ផ្លូវថ្នល់​ដែល​ជា​សមិទ្ធ​ផល​របស់​គណបក្ស​ប្រជាជន​កម្ពុជា​ គឺ​បាន​បំបាក់​មុខមាត់​“​សម្ដេច​ទាំង​បី​”​ ជា​ថ្នាក់ដឹកនាំ​កំពូល​របស់​គណបក្ស​ប្រជាជន​កម្ពុជា​យ៉ាង​ធ្ងន់ធ្ងរ​ ធ្វើ​ឱ្យ​ងើបមុខ​លែង​រួច​ដូច​រថយន្ដ​ដែល​ជាប់ផុង​ដូច្នោះ​ដែរ​ ៕

CPP-Carរថយន្តឃេសនារកសំឡេងឆ្នោតរបស់គណបក្សកាន់អំណាចជាប់ផុងទៅមុខលែងរួច

Filed in: Feature, ព័ត៌មានជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 011 728 471 / 015 868 753.E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.