ថ្ងៃ ពុធ ទី ២៩ ខែ មិថុនា ឆ្នាំ ២០២២

ម៉ូ​ដ​សក់​អ្នកគាំទ្រ​គណបក្ស​សង្គ្រោះ​ជាតិ​មិន​ចាញ់​ម៉ូ​ដ​សក់​កីឡាករបាល់ទាត់​ពិភពលោក​

​រឹតតែ​ប្លែក​ និង​គួរ​ឱ្យ​ចាប់​អារម្មណ៍​ថែម​ទៀត​ សម្រាប់​យុទ្ធ​នា​ការ​ឃោសនាបោះឆ្នោត​ជ្រើស​តាំង​តំណាងរាស្ដ្រ​ នីតិកាល​ទី​៥​នេះ​ គឺ​គណបក្ស​សង្គ្រោះ​ជាតិ​ដែល​ជា​គណបក្ស​នយោបាយ​ប្រឆាំង​ដ៏​ធំ​នៅ​កម្ពុជា​ មិន​ត្រឹម​មាន​អ្នកចូលរួម​ច្រើន​លើសលប់​ហួស​ពី​ការ​ស្មាន​នោះ​ទេ​ សូ​ម្បី​តែ​អ្នកគាំទ្រ​ ជា​ពិសេស​ស្រទាប់​យុវជន​ បាន​នាំ​គ្នា​កាត់​ម៉ូ​ដ​សក់​ផ្ទាល់ខ្លួន​តំណាង​ឱ្យ​គណបក្ស​សង្គ្រោះ​ជាតិ​ដែល​ពួក​ខ្លួន​ស្រឡាញ់​ពេញចិត្ដ​ថែម​ទៀត​។​

​យុវជន​អ្នកគាំទ្រ​គណបក្ស​សង្គ្រោះ​ជាតិ​មួយ​ចំនួន​បាន​នាំ​គ្នា​កាត់​ច្នៃ​ម៉ូ​ដ​សក់​ចេញ​ជា​រូបរាង​លេខ​7​តំណាង​ឱ្យ​លេខ​រៀង​គណ​បក្ស​សង្គ្រោះ​ជាតិ​ឋិត​នៅ​លើ​សន្លឹក​ឆ្នោត ​និង​ឈ្មោះ​គណបក្ស​សរសេរ​កាត់​ជា​ភាសា​អង់គ្លេស​ថា​ CNRP​ បូក​រួម​ទាំង​ទម្រង់​ជា​ស្លាក​សញ្ញា​ LOGO (​សញ្ញា​ព្រះអាទិត្យ​រះ​)​ របស់​គណបក្ស​ទៀត​ផង​ ។​

​សាស្ដ្រាចារ្យ​បង្រៀន​នៅ​សាកល​វិទ្យាល័យ​មួយ​នៅ​រាជធានី​ភ្នំពេញ​ បាន​និយាយ​ថា​ ធ្លាប់តែ​ឃើញ​ក្រុម​កីឡាករ​ល្បីៗ​កាត់​ម៉ូ​ដ​សក់​ប្លែកៗ​ ឬ​ហៅ​ថា​“​លេង​ម៉ូ​ដ​សក់​”​សម្រាប់​ព្រឹត្ដិការណ៍​ប្រកួត​បាល់ទាត់​ពិភព​លោក​ ប៉ុន្ដែ​ឥឡូវនេះ​ នៅ​កម្ពុជា​យុវជន​អ្នកគាំទ្រ​គណបក្ស​សង្គ្រោះ​ជាតិ​បាន​នាំ​គ្នា​កាត់​ច្នៃ​ម៉ូ​ដ​សក់​របស់​ខ្លួន​តំណាង​ឱ្យ​គណបក្ស​នយោបាយ​ដែល​ខ្លួន​ពេញចិត្ដ​ និង​គាំទ្រ​មិន​ចាញ់​ ក្រុម​កីឡាករ​ល្បីៗ​នៅ​លើ​ពិភព​លោក​ឡើយ​ ។​ ​

មជ្ឈដ្ឋាន​អ្នកវិភាគ​កិច្ចការ​សង្គម​ នៅ​កម្ពុជា​បាន​លើក​ឡើង​ថា​ សន្ទុះ​នៃ​ការ​គាំទ្រ​របស់​ប្រជាពលរដ្ឋ​ ជា​ពិសេស​ស្រទាប់​យុវជន​ទៅ​លើ​គណបក្ស​សង្គ្រោះ​ជាតិ​សម្រាប់​ការ​បោះ​ឆ្នោត​ជ្រើសតាំង​តំណាង​រាស្ដ្រ​នីតិកាល​ទី​៥​ខាង​មុខ​នេះ​ មាន​កម្លាំង​ខ្លាំងក្លា​គួរ​ឱ្យ​កត់សម្គាល់​ ពីព្រោះ​ពួក​គេ​ចង់ឱ្យ​មានការ​ផ្លាស់​ប្ដូរ​នូវ​ប្រព័ន្ធ​នៃ​ការ​ដឹកនាំ​ប្រទេស​ជាតិ​បច្ចុប្បន្ន​ ដែល​ញាំញី​ដោយ​រលក​ជន់​ជោរ​នៃ​អំពើ​ពុក​រលួយ​បក្ខពួក​និយម​ និង​សម្ភារៈ​និយម​ ពេញបន្ទុក​ ៕

NRP-7

Filed in: ព័ត៌មានជាតិ, សិល្បៈកម្សាន្ត

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 011 728 471 / 015 868 753.E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.