ថ្ងៃ ចន្ទ ទី ១៦ ខែ មករា ឆ្នាំ ២០១៧

ទីស្តីការគណៈរដ្ឋមន្ត្រី​រំលោភ​លើ​ទំនុកចិត្ត​អតិថិជន​ ក្នុង​រឿង​បោះពុម្ព​ និង​ផ្គត់ផ្គង់​សៀវភៅ​រាជកិច្ច​

​អតិថិជន​ដែល​បាន​ជាវ​សៀវភៅ​រាជកិច្ច​ឆ្នាំ​២០១៦​ បោះពុម្ព​ដោយ​អគ្គនាយកដ្ឋាន​រាជកិច្ច​ និង​សេវា​កុំ​ព្យូ​រ​ទ័​រ​នៃ​ទីស្តីការគណៈរដ្ឋមន្ត្រី​ បាន​ទទួល​រង​នូវ​ការ​រំលោភ​លើ​ទំនុកចិត្ត​ពី​សំណាក់​ទីស្តីការគណៈរដ្ឋមន្ត្រី​ មាន​ឯកឧត្តម​បណ្ឌិត​សភាចា​រ្យ​ សុខ​ អាន​ ជា​ឧបនាយករដ្ឋមន្ត្រី​ និង​ជា​រដ្ឋមន្ត្រី​ទទួល​បន្ទុក​យ៉ាង​ពេញទំហឹង​ ដ្បិត​អតិថិជន​បាន​បង់ប្រាក់​ជា​មុន​ចំនួន​៤៨០​ ០០០​រៀល​ ជូន​ទីស្តីការគណៈរដ្ឋមន្ត្រី​ តាម​រយៈ​អគ្គនាយកដ្ឋាន​រាជកិច្ច​ និង​សេវា​កុំ​ព្យូ​រ​ទ័​រ​ មាន​លោក​ជំទាវ​ ងិ​ន​ ផល​រ័​ត្ន​ ជា​អគ្គ​នាយិកា​រួច​ហើយ​ ដើម្បី​ទទួល​សេវា​ការ​ផ្គត់ផ្គង់​សៀវភៅ​រាជកិច្ច​ឆ្នាំ​២០១៦​ចំនួន​៩៦​លេខ​ (​ចំនួន​១​ក្បាល​ក្នុង​១​លេខ​)​ ពី​ទីស្តីការគណៈរដ្ឋមន្ត្រី​ ប៉ុន្តែ​គិត​ត្រឹម​ថ្ងៃ​ទី​៣១​ ខែធ្នូ​ ឆ្នាំ​២០១៦​ ដំណាច់ឆ្នាំ​កន្លង​ទៅ​ អតិថិជន​ទទួល​បាន​សៀវភៅ​រាជកិច្ច​ឆ្នាំ​២០១៦​ត្រឹម​ចំនួន​៨០​លេខ​(​ចេញផ្សាយ​នៅ​ស​ប្តា​ហ៍​ទី​៤​ថ្ងៃ​ទី​៣១​ ខែតុលា​ ឆ្នាំ​២០១៦)​ប៉ុណ្ណោះ​ ។​

reach-kech-3

​អតិថិជន​ដែល​ធ្លាប់​ជាវ​សៀវភៅ​រាជកិច្ច​ពី​ទីស្តីការគណៈរដ្ឋមន្ត្រី​ជា​ហូរហែ​ បាន​និយាយ​ឲ្យ​ដឹង​ថា​ នា​រយៈពេល​កន្លង​មក​ ទោះបីជា​ឯកសារ​បោះពុម្ព​នៅ​ក្នុង​សៀវភៅ​រាជកិច្ច​មានការ​យឺតយ៉ាវ​ក៏​ដោយ​ ក៏​ទី​ស្តី​គណៈរដ្ឋមន្ត្រី​បាន​បោះពុម្ព​សៀវភៅ​រាជកិច្ច​គ្រប់​ចំនួន​៩៦​លេខ​ក្នុង​១​ឆ្នាំៗ​ជូន​អតិថិជន​មិន​ដែល​មានការ​ខ្វះចន្លោះ​ឡើយ​ គឺ​ទើប​មក​ដល់​ឆ្នាំ​២០១៦​កន្លង​ទៅ​ ការ​ផ្គត់ផ្គង់​សៀវភៅ​រាជកិច្ច​ជូន​អតិថិជន​បែរជា​មិន​គ្រប់​ចំនួន​លេខ​ចេញផ្សាយ​ទៅ​វិញ​តែ​ម្តង​ ។​

reach-kech

​មជ្ឈដ្ឋាន​អ្នក​ច្បាប់​ឯករាជ្យ​នៅ​កម្ពុជា​ បាន​លើក​ឡើង​ថា​ សូ​ម្បី​ត្រឹម​ទីស្តីការគណៈរដ្ឋមន្ត្រី​ក្នុង​រឿង​បោះពុម្ព​ និង​ផ្គត់ផ្គង់​សៀវភៅ​រាជកិច្ច​ក៏​រំលោភ​លើ​ទំនុកចិត្ត​អតិថិជន​ជា​អ្នក​ជាវ​ដែរ​ ចុះ​ទម្រាំ​ស្ថាប័ន​រាជរដ្ឋាភិបាល​ទាំងមូល​ដែល​មាន​សម្តេច​អគ្គមហាសេនាបតី​តេ​ជោ​ ហ៊ុន​ សែន​ ហៅ​បុរស​ខ្លាំង​ជា​ប្រមុខ​ តើ​នឹង​មាន​ល្បិច​ ឬ​វិធី​រំលោភ​លើ​ទំនុកចិត្ត​ប្រជាពលរដ្ឋ​ជា​ម្ចាស់​ឆ្នោត​ប៉ុនណា​ទៅ​ ?​ ៕​

reach-kech-2

reach-kech-1

reach-kech-4

reach-kech-5

Loading...
Filed in: Feature, ព័ត៌មានជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 012 858 205, 015 745 215 E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.