ថ្ងៃ ចន្ទ ទី ១៦ ខែ មករា ឆ្នាំ ២០១៧

អ៊ីរ៉ង់ធ្វើសមយុទ្ធទ្រង់ទ្រាយធំដើម្បីការពារដែនអាកាសនៅភាគខាងត្បូងប្រទេសរបស់ខ្លួន ទប់ទល់នឹងបរទេស

គេហទំព័រ Tehrantimes របស់អ៊ីរ៉ង់ដែលដកស្រង់ប្រកាសរបស់កងកម្លាំងទាហានអ៊ីរ៉ង់កាលពីថ្ងៃទី២៦ ខែធ្នូ ឆ្នាំ២០១៦កន្លងទៅថ្មីៗបានឲ្យដឹងថា ទាហានអ៊ីរ៉ង់ចាប់ផ្ដើមធ្វើសមយុទ្ធដែនអាកាសទ្រង់ទ្រាយធំមួយនៅភាគខាងត្បូងប្រទេសមានឈ្មោះថា The Defenders of Velayat Skies 7 (ឈ្មោះជាភាសាអ៊ីរ៉ង់ថា Modafean Aseman Velayat 7) ដើម្បីការពារ និងពង្រឹងសន្តិសុខដែនអាកាសរបស់ខ្លួនទប់ទល់នឹងការរំលោភបំពានរបស់បរទេស ។iran-3

សមយុទ្ធដែនអាកាស ឬហៅថា «ល្បែងសង្គ្រាម» រយៈពេល០៥ថ្ងៃរបស់កងកម្លាំងទាហានអ៊ីរ៉ង់នោះប្រព្រឹត្តនៅភាគខាងត្បូងខេត្ត Bushehr , Khuzestan និងខេត្ថ Hormozgan ដែលជាផ្នែកមួយនៃសមុទ្រអូម៉ង់ (Sea of Oman) និងឈូងសមុទ្រពែក្ស (Persian Gulf) តំបន់កោះចំនួន៣ គឺកោះ Greater Tunb , Lesser Tunb និងកោះ Abu Musa ក្នុងទំហំផ្ទៃដែនអាកាស ៤៩០ ០០០គីឡូម៉ែត្រក្រឡា ។

iran-2-1

ដោយមានការចូលរួមពីយន្ដហោះចម្បាំងធុន F-4 Phantoms ក្នុងសមយុទ្ធយោធាការពារដែនអាកាសនោះ កងកម្លាំងទាហានអ៊ីរ៉ង់ប្រមាណ ១៧ ០០០នាក់នឹងហ្វឹកហាត់ ព្រមទាំងពិសោធន៍សាកល្បងនូវរ៉ាដាខែលការពារមីស៊ីល កាំភ្លើងយន្ដប្រឆាំងយន្ដហោះ និងប្រព័ន្ធត្រួតពិនិត្យការពារដែនអាកាស ។

iran-1

អ៊ីរ៉ង់ដែលជាប្រទេសសម្ព័ន្ធមិត្តជាមួយមហាអំណាចរុស្ស៊ីនោះ គឺមានសព្វាវុធជាច្រើនដែលកងកម្លាំងទាហានប្រើប្រាស់ទទួលបានការទិញពីរុស្ស៊ី ។ កាលពីអំឡុងឆ្នាំ២០០៧កន្លងទៅ អ៊ីរ៉ង់បានព្រមព្រៀងទិញប្រព័ន្ធខែលការពារមីស៊ីលធុន S-300 ចំនួនជិត១០ដើមពីប្រទេសរុស្ស៊ី មានតម្លៃប្រមាណ៨០០លានដុល្លារអាមេរិក ៕

Loading...
Filed in: Feature, អន្តរជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 012 858 205, 015 745 215 E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.