ថ្ងៃ សៅរ៏ ទី ២៥ ខែ មីនា ឆ្នាំ ២០១៧

លុយ Yuan របស់ចិនត្រូវបានដាក់បញ្ចូលឲ្យប្រើប្រាស់នៅក្នុងមូលនិធិរូបិយវត្ថុអន្តរជាតិ «IMF»

កាលពីថ្ងៃទី០១ ខែតុលា សប្ដាហ៍កន្លងទៅថ្មីៗនេះ ប្រាក់ Yuan របស់ចិនដែលជាប្រទេសមហាអំណាចសេដ្ឋកិច្ចលំដាប់ទី២លើពិភពលោក និងបានផ្ដល់ជំនួយដ៏ច្រើននៅជុំវិញពិភពលោកតាមរយៈមូលនិធិរូបិយវត្ថុអន្តរជាតិ «IMF»នោះ ត្រូវបានស្ថាប័នមូលនិធិរូបិយវត្ថុអន្តរជាតិសម្រេចដាក់បញ្ចូលឲ្យប្រើប្រាស់ជារូបិយវត្ថុគោលធំៗរបស់ IMF ហើយ ខណៈធនាគារកណ្ដាលរបស់ចិនបានអះអាងថា នេះគឺជាលទ្ធផលនៃការអភិវឌ្ឍសេដ្ឋកិច្ច ព្រមទាំងជាលទ្ធផលនៃការធ្វើកំណែទម្រង់ប្រព័ន្ធហិរញ្ញវត្ថុទីផ្សារសេរីរបស់ចិន ។

រូបិយវត្ថុអន្តរជាតិគោលធំៗរបស់ IMF បច្ចុប្បន្នរួមមាន ៖ ប្រាក់ដុល្លារអាមេរិក (US Dollar) ប្រាក់អឺរ៉ូរបស់អឺរ៉ុប (Euro) ប្រាក់ផោនរបស់អង់គ្លេស (Pound) និងប្រាក់យ៉េនរបស់ជប៉ុន (Yen) ហើយប្រាក់យន់របស់ចិន (Yuan) ទើបត្រូវបានបញ្ចូលថ្មីៗនេះផង ។

ការសម្រេចដាក់បញ្ចូលប្រាក់ Yuan របស់ចិនឲ្យប្រើប្រាស់ជារូបិយវត្ថុអន្តរជាតិគោលក្នុងស្ថាប័ន IMF គឺប្រាក់ Yuan របស់ចិននឹងត្រូវបោះពុម្ពពិសេសសម្រាប់ផ្ដល់ជំនួយ ឬកម្ចីទៅឲ្យប្រទេសណាមួយដែលផ្ដល់ដោយ IMF និងធនាគារធំៗទាំងអស់ត្រូវមានតម្កល់សាច់ប្រាក់ Yuan ។

អ្នកវិភាគសេដ្ឋកិច្ចអន្តរជាតិបានលើកឡើងថា ការដាក់បញ្ចូលប្រាក់ Yuan ឲ្យប្រើប្រាស់នៅក្នុងស្ថាប័ន IMF គឺជានិមិត្តរូបនៃការលើកទឹកចិត្តផ្ដល់កិត្តិយសឆ្លើយតបទៅនឹងការខិតខំប្រឹងប្រែងធ្វើកំណែទម្រង់របស់ចិនក្នុងរយៈពេលជាង១០ឆ្នាំកន្លងមក ៕
 

Filed in: Feature, សេដ្ឋកិច្ច, អន្តរជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 012 858 205, 015 745 215 E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.